Во организација на танцовиот спортски клуб Степ Ап од Битола, вчера  на 18.11.2018 во спортската сала „Павел Шатев“ во Битола се  одржа  четвртиот по ред Бодовен натпревар во стандардни, латино-американски и модерни спортски танци. На натпреварот учество зедоа сите 7 клуба кои што се членови на Танцовата Спортска Федерација на Македонија со над 200 члена, а  клубот домаќин се закити со 19 први места, 7 втори, 5 трети места и пласман во неколку финалиња.

Вчерашното невреме проследено со силни врнежи од снег најголеми проблеми во снабдувањето со електрична енергија предизвика во Битолскиот регион, информираат од ЕВН. И натаму без струја се неколку градски населби, како и повеќе села во Општина Битола, а струја нема и во селата во Новаци, Демир Хисар, Прилеп, Маврово, Кичево.

Обилните врнежи од снег во Битола предизвикаа проблеми во снабдувањето со електрична енергија во градот и околните села.

Снежните врнежи предизвикаа кршење на гранки од улични дрвја, а навалија и бандери низ повеќе улици во Битола.

Иако календарски зимата се уште не е почната, снегот што непрекинато паѓа во Битола од утрово, формира и снежна покривка, а сообраќајот се одвива по кашести коловози. Од ЈП „Нискоградба“  за апла.мк велат дека нивната механизација веќе е на терен, а на критичните места се фрла сол, додека по селата се чистат локалните патишта, за што на нивната ФБ страница објавија и кусо видео.  Од таму најавија дека за кратко време попладнево на терен ќе биде целата механизација со која располага ЈП „Нискоградба“