Сојузот на пчеларски здруженија на Македонија денес, а по повод 7-ми април Денот на здравјето, организираше хуманитарна акција во десеттина градови низ Република Македонија. Пчеларското здружение „Нектар“ од Битола донираше мед и растворен прополис во Клиничката болница во Битола, а донацијата е наменета за лицата кои во овој момент на здравствена криза се на „првата борбена линија", а тоа се медицинските лица.

-Не застануваме тука, и до сега сме донирале но и во иднина ќе донираме, велат од пчеларското здружение „Нектар“ од Битола.