Тимот од Битола, чиј раководител е Пeтар Нолев, учествуваше со 11 спасувачи, со што уште еднаш се потврдува нивната подготвеност и функционалност за учество во спасувачки акции.

Темата на обуката беше спасување на планина и запознавање со основите на техниката на движење во зимски услови, тактиката за потрага и спасување на лица загрозени од лавини, извлекување со турно ски и ски санки, процедурите при употребата на тимовите за брз одговор , укажување на прва медицинска помош, згрижување на повредените и санирање на последиците, како и практична демонстрација на опремата со која располагаат тимовите.

- Анализирајќи ја работата на Дирекцијата за заштита и спасување од моето доаѓање на оваа функција, и при тоа увидувајќи ги слабостите во системот на цивилна заштита и неусогласеноста и некоординираноста помеѓу релевантните институции при справувањето со природните и други несреќи, фокусот на вежбата беше насочен кон интегрирање на персоналните и материјалните ресурси на надлежните институции, увежбување на координација и комуникацијата, со цел навремено дејствување заради спасување на човечките животи и материјалните добра, рече Аднан Џаферовски, директор на Дирекцијата за заштита и спасување.

На вежбата, покрај спасувачки тимови од Дирекцијата за заштита и спасување, учествуваа и тимови од Министерството за внатрешни работи и Министерството за одбрана, Црвениот Крст на Република Македонија, припадници на Федерацијата на планинарски спортови на РМ и други планинарски друштва.