АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Ноември 21, 2024
„Македонско девојче“ низ ѕвонливиот глас на македонските „Ѕвончиња“
Јануари 10, 2021
Детскиот хор "Македонски ѕвончиња" го претстави својот прв проект "Македонско девојче". Како што објави, Марина Коруновска од детскиот хор „Ѕвончиња“, во видеото учествуваат деца од повеќе земји низ светот, обединети преку македонската музика, но, исто така најави и други проекти годинава.
-Детските срца од Македонија ( Битола, Охрид, Скопје) Германија, Канада, Швајцарија, Шведска обединети преку македонската музика ќе ве внесат во вибрацијата на љубовта кон македонската песна.
Продолжуваме со нови проекти со нови македонски песни во 2021, вели Коруновска
Инаку, Понесени од љубовта кон својот град Битола и мисијата на детскиот хор ,,Ѕвончиња" : “Ние пееме за еден поубав и подобар свет", минатата година во студио “ Момировски ” е снимена првата детска химна на градот Битола.
Музиката е на нашиот битолчанец, композиторот Николче Мицевски, а текстот е на Марина Коруновска и Маја Митровска.
,,Планиравме со голем концерт на детскиот хор 'Ѕвончиња' да направиме промоција на химната, но поради настанатата ситуација тоа не беше возможно. Го избравме овој начин да им ја подариме песната на сите битолчани и Македонци, каде и да се во светот. Секое дете во домашни услови го сними својот глас а придружувани се од Александра Јанковска – пијано, Томе Спасовски- бас гитара, Александар Гацоски- кахон и нашиот ученик Андреј Стевановски – гитара ", вели Марина Коруновска, раководител на детскиот хор ,,Ѕвончиња”.
Прмоцијата на детската химна ќе се одржи утре, недела, во 20.00 часот. Ќе биде промовирана со livestream на youtube на следниот линк: https://www.youtube.com/watch?v=PCwVZvTnclA&fbclid=IwAR30qn1GOuUvNBSV6veFWn6IAhRCnhh-ED0pRf4vltK0hvbxgKMqk77exCk Проектот е подржан од Бимилк и Општина Битола, а наскоро се најавива и видео спот со убавините на нашата Битола.
Битолските „Ѕвончиња“ музичката магија ја раширија на германски јазик (фотогалерија)
Декември 09, 2018Битолскиот хор „Ѕвончиња“ ја распрска предновогодишната музичка магија овој пат на германски јазик. Педесетина деца од две до 15 години, членови на овој реномирам детски хор, изведоа целовечерен концерт пеејќи германски детски песни. Концертот што се одржа во Центарот за култура, беше дел од богатата програма со која деновиве се одбележуваат 22 години од постоењето на Здужението за македонско-германско пријателство и соработка. Младите хористи подготвувајќи ги песничките имаа можност да го вежбаат својот музички талент и да го збогатат речникот со германски зборови.
Музичка магија- eврегрин пеат малите и млади битолски „Ѕвончиња“
Декември 30, 2017Евергринот добива посебна моќ и значење кога ќе прозвучи низ гласовите на малите и млади музички таленти. Ова несекојдневно уживање на битолчани им го приреди Детскиот хор „Ѕвончиња“ , „Тин Ѕвончиња“, камерниот хор „Мелодиум“ придружени од „Наш бенд“ под водство на уметничкиот раководител Марина Коруновска. Концертот „Низ душата на македонската песна“ што предновогодишно се одржа вчера вечер во Народниот театар во Битола покажа дека градот не само што има музички талентиран подмладок, туку ја негува и градската традиција.
Најчитани
