Наместо ребалансот со сите амандмани едногласно изгласани од сите советници на 29тата седница што се одржа на 11 јули, на работните тела им се подметнува документ што Коњановски и неколкумина го составија откако ребалансот не беше вчитан во Министерството за финансии. Тргале едни, додавале други амандмани согласно нивните желби, а не како што одлучи Советот на општината!  

 

Советниците во работните групи работат без материјали кои треба да ги обезбеди општинската администрација, но очигледно, под притисок на градоначалникот се кршат процедури и закони за што СДСМ ќе покрене постапка за утврдување на одговорност!

 

Оваа лакрдија со ребалансот на буџетот на општината во режија на Коњановски и неколкумина негови блиски соработници досега не е видена во ниту една општина во Македонија! Затоа, како што се снимаат седниците на комисиите и на Советот,  бараме да се снима и објавува што се случува на работните групи, за да може битолчани да се уверат каков лажго и манипулатор е градоначалникот на Битола! 

 

Во СДСМ и во коалицијата нема вжештени глави, туку вжештени се прстите на Коњановски и на поединци од ДПМНЕ од броењето пари кои завршуваат во џебови на сопартијци, роднини и пријатели! Коњановски наместо да повикува други на разум, нека се вразуми тој и неговите најблиски соработници! СДСМ и коалицијата нема да дозволат да продолжи грабежот на народните пари. Одговорност ќе има и за Коњановски и за сите што му помагаат во грабежот на Битола!