Вчера од битолскиот Завод и музеј во СВР Битола пријавиле дека малолетник од музејската поставка украл револвер, а полицијата го пронашла и го вратила

Во изминатиот период, после отстранувањето на дел од градежното скеле на објектот на Офицерскиот дом, битолчани можеа да посведочат на новиот изглед на овој, навистина импозантен објект.

Меѓутоа реакциите по однос на бојата на фасадата беа различни. Многумина ја паметат белата боја на овој објект, и според тоа сметаа дека оваа боја, била и оригиналната боја на објектот.

Како институција задолжена за вршење на конзерваторскиот надзор и следење на работите на Офицерски, би сакале да Ве информираме за начинот и причината за избор на актуелната боја на фасадата на објектот.

Во долгиот период на опстојување на овој објект, фасадата во повеќе наврати го менувала својот колорит. Така на пр. во последните дваесетина години таа беше бела. Постарите битолчани можеби се сеќаваат на изгледот на Офицерски во седумдесетите години на минатиот век, кога неговата фасада била темно розова, додека пак претходно таа била жолта (окер) и.т.н.

Во насока на дообјаснување и реално прикажување на фактите, би сакале да Ве информираме, дека денешната боја всушност е најстариот, или оригинален слој, кој беше откриен на фасадата на Офицерски, а истиот беше одреден врз основа на конзерваторски истражувања и соодветни хемиски анализи, кои беа реализрани од страна на стручни лица.

Само како пример ќе споменеме дека, и пред дваесетина години, кога се вршеше конзервација на фасадите на објектите кои се наоѓаат на Широк Сокак, по пат на соодветни конзерваторски истражувања и хемиски анализи се одредуваше бојата на секој од поединечните објекти. На тој начин шареноликоста и богатството на бои на фасадите од овие објекти, е всушност продолжение на некогашниот изглед на Широк Сокак.

Се надеваме дека ова соопштение ќе овозможи прецизно информирање на јавноста за причината и изборот на актуелниот изглед на Офицерски, соопштија од Завод и музеј Битола. 

Во рамки на прокетот „Смарт-кул-тур“ поддржан од Програмата за прекугранична соработка на ЕУ, а врши конекција на културните вредности меѓу Република Северна Македонија и Република Албанија, беа организирани работилници за музејски куратори и конзерватори со цел размена на практични знаења за ефикасна заштита и зачувување на културното наследство. Професионалци од двете држави разменуваа знаења за зачувување на мозаици и фрески како специфично поле на работа.

Работилници беа спроведени во конзерваторските лаборатории во НУ Завод и Музеј - Битола, археолошкиот локалитет Хераклеа Линкестис, црквата Св. Ѓорѓи, Курбиново и во црквата Св. Илија во Грнчари.

Вкупниот буџет на прокетот „Смрт –кул-тур“  изнесува 704 590 евра од кои 85 проценти од ЕУ, а останатите 15 проценти од Владата. Активноста од македонска стрна  опфаќа и адаптација и подобрување на Хераклеја со вкупен буџет од 132 илјади евра со што ќе се подобрат условите за посета , како и збогатување на туристичката понуда воопшто. 

Автентичниот паркет изработен во техника на интарзија кој е во половна состојба, а беше изваден за време на конзерваторско-реставраторските активности во Офицерскиот дом во Битола, ќе се даде на трајно користење на Завод и музеј од Битола. Ваква одлука на денешната седница треба да донесе Советот на Општина Битола. Паркетот на оваа институција која е задолжена за заштита на клултурното богатство во Битола , ќе му се даде за да го постави во изложбен простор. Според договорот што ќе биде постигнат со Општината, доколку Завод и музеј не ја исполни обврската, ќе биде задолжен да го врати паркетот назад или да ја надомести вредноста.