Битолските пратеници од ВМРО-ДПМНЕ, Лилјана Кузмановска и Зоран Илиоски, со амандман од државниот буџет бараат 600 милиони денари за изградба на Универзална сала во Скопје. Ова на својот фејсбук профил го објави пратеникот на СДСМ од Битола, Васко Ковачевски, кој претседава со Комисијата за финансирање и буџет.

Веднаш по назначувањето на нови членови  на управните  и надзорните одбори  во локалните јавни претпријатија, локалните институции и училиштата ќе се назначат и нови директори  кои во најголем дел ќе бидат вршители на должност, вели пратеникот Васко Ковачевски, локален лидер на СДСМ во Битола.

-Низ годините и вековите наназад, стремежот на македонскиот народ беше борбата за слобода. За таа борба некој не го жалеше ни најдрагоценото, својот живот, затоа што битката за слобода нема цена. Токму затоа денеска одаваме почит и признание на оние кои што се бореа за слобода, за демократија, еднаквост, за живот. На сите битолчани им го честитам денешниот празник, Битола е слободна, слободно живее, реча Васко Ковачевски, претседател на ОО на СДСМ – Битола

ЕЛЕМ започнува со преземање на мерки кои во иднина ќе го намалат загадувањето на животната средина, а на компанијата ќе и ја донесат долгоочекуваната А- интегрирана еколошка дозвола. Во таа насока денес во РЕК се одржа презентација на проект за десулфуризација од страна на експерти од кинеската компанија „JET inc“.

Пратениците Васко Ковачевски од СДСМ и Горан Милевски од ЛДП присуствуваа на денешната конститутивна седница на битолскиот Совет. Тие и честитаа на новата градоначалничка Наташа Петровска и на советниците од новиот состав за мандатите.

-Имав покана, но и моја обврска беше да присуствувам на седницата, да им посакам успех на сите избрани членови на Советот. Се надевам дека сите заедно со новата градоначалничка Наташа Петровска ќе работат во интерес на сите граѓани на Битола- рече Ковачевски.

Милевски рече дека со ова се стави крај на коруптивносто владеење на претходната власт.

-Долго го очекував овој момент, да настане промена на власта и да се промени криминалното и коруптивно владеење за кое предупредував уште како советник во 2005 година. Не би го пропуштил овој настан за ништо поради промената на локалната власт,а и за тоа што ЛДП ќе има свој кадар за претседавач на Советот во Битола- рече Милевски. 

На седницата не се појави ни еден од пратниците од редовите на ВМРО-ДПМНЕ, ни Лилјана Кузмановска, ни кандидатот за градоначалник Зоран Илиоски, кој од Петровска беше поразен во првиот изборен круг.