До пред неколку години власта на ВМРО-ДПМНЕ плаќаше големи суми пари за реклами за здрава храна, во која се готвеа намирници од таканаречениот шпајз на Македонија, а тогаш не беа одделени средства за здрав оброк на децата по школите. По единаесет години централна власт и дванаесет на локална, допрва ќе прават промени во исхраната по школите. Проблемот со нездава исхрана и гојазност кај децата не е нов, напротив за него здравствените работници алармираа сите изминати години..

Кандидатот за градоначалник од ВМРО-ДПМНЕ и коалиционите партнери, Зоран Илиоски, вети дека доколку го добие мандатот од граѓаните ќе им ги отпише долговите од комуналната сфера на социјално загрозените категории битолчани.  

Иако ДПМНЕ најавуваше голем сенароден митинг, вчерашната реална слика не беше ништо повеќе од мал, оскуден собир на плоштадот Магнолија. Дури и нивниот лидер Груевски не ги удостои со присуство на почетокот, туку дојде при крајот , се обрати и брзо замина, рече пратеникот и претседател на Општинската организација на СДСМ во Битола, Васко Ковачевски.

Владимир Талески,  заминува од градоначалничката фотеља, оставајќи ја поранешната касарна како големо градилиште наместо ветената урбана населба. Три асфалтирани улица, незатворени шахти, ископано – незавршено, земјени пристапи, кал и ѓубре, вака накусо може да се опише моментната слика во новата населба, која уште на самиот почеток доби холивудско име „Златен рид“.

Кандидатот за градоначалник од коалицијата предводена од ВМРО-ДПМНЕ, Зоран Илиоски, вети бесплатни парцели во касарната за младите битолчани да можат да изградат куќи.