Со ликовни дела на кои е отсликана Битола, нејзините архитектонски и културни богатства, како и вечната Хераклеја синоќа во Завод и музеј од Битола беше отворена изложба по повод јубилејот 60 години творештво на познатиот битолски уметник Панде Петровски. Оваа изложба која содржи над 200 негови творби беше отворена во предвечерието на фестивалот „Илинденски денови“ и е поддржана од Министерството за култура, Општина Битола, Центарот за култура и други институции..

Градоначалничката на Битола Наташа Петровска од својата работна посета во САД преку својот фејсбук профил порача дека посветеноста, емпатијата, заедништвото, подадената рака се вредности што треба да се негуваат и развиваат глобално.

„Човештвото има еден дом, независно од кој град сте. Исти потреби, исти цели -заедно до поубави места за живеење“, напиша Петровска на фејсбук.

Таа од 9 до 19 јули престојува во работна посета на САД на покана на Амбасадата на САД во Скопје, како учесник во Мулти-регионалниот проект „Локална дипломатија и глобално ангажирање“ во организација на американскиот Стејт департмент.Целта на студиската посета е црпење искуства за развојот на општините на повеќе полиња, вмрежување меѓу градови и соработката на локалната со централната власта.

По 15 години битолските пожарникари добија нова заштитна облека и дишни апарати со компримиран воздух. Оние кои до сега ги користеа, беа набавени во 2004 година како донација и не беа нови.

-Изградбата на стадионот се одвива со активности и динамика онака како што е предвидено со договорот, не можам сега да ви одговорам по техничките спецификации, меѓутоа како што истакнав во минатиот период најголем дел од активностите и средствата се точно од оваа локална самоуправа, сега, да кажам спроведени. Како ќе се одвиваат  тие активности во иднина ќе видиме, но она што општина Битола го има укажано досега до изведувачот е дека треба да се придржува до договорот, како што е предвидено по него,  вели Петровска.