„Изложена е само една десетина од твортештвото, поточно 210 експонати од неколку илјади создадени во 60 години. Првата самостојна изложба ми беше во пресрет на Илинден и многу сум задоволен што повторно се совпадна да биде спроти Илинден, нашиот најголем национален и верски празник. Имам десетина циклуси како Хераклејски пресеци, Предели од микрокосмосот, Метаморфозите за кои Остен издаде и мапа заштитана, која е дел од едицијата светско културно наследство“, рече Петровски.

Тој од своите врвни уметнички дела на кои е насликана архитектурата на Битола и Хераклеја им подари за заминик министерот за култура Владимир Лазовски, градоначалничката Наташа Петровска и директорката на Завод и музеј Мери Стојановска.

„Ви благодарам за сѐ што досега направивте за Битола, убедена сум дека до последниот ден ќе творите и ќе ни оставите уште многу ваши емоции преку уметничките дела“, рече Петровска.

Директорката Мери Стојановска рече дека творештвото на Петровски станува културно наследство, а неговите цртежи се одраз на тоа како ја доживуваме Битола.

Бидејќи изложбата е прв настан со кој отпочнува 49 издание на Републичкиот фестивал на народни песни и игри „Илинденски денови“ во име на Центарот за култура се обрати стричниот соработник Валентин Соклевски кој Петровски го нарече битолска легенда.

„Овој фестивал чувајќи ја традицијата и самиот стана традиција зашто беше осмислен и граден токму од вакви личности како Петровски кој е дел од почетоците од 1971 година па до денес. Петровски е роден 1939 година во Брусник, Битола, човек кој преку континуирана едукација, уметничка надградба преку Ликовната насока на Педагошката академија , студиски престој во Италија со својот огромен талент, ентузијазам, креативност изгради 60 годишна творечка кариера со над 30 индивидуални изложби во Македонија, Србија, Шведска и Австралија, а учестувал и на над стотина колективни изложби во земјава и странство. Добитник е на многу награди и признанија. Секој збор што ќе го кажам за човекот кој е ликовен уметник, педагог, сценограф, писател, карикатурист е мал и скромен во однос на убавината што ја создал“, рече Соклевски.

Тој уште додаде дека Панде е човекот чиј мал потег на платното отвора илјадници ѕуници, еден симбол на сценографијата отвора мозаици од сликовите приказни, еден афоризам раскажува повеќе романи.