Во проектот „Интеграција на зелен транспорт во градовите“ вклучени се и општините Битола, Ресен од македонска страна, а од грчка страна Лерин и општинското претпријатие од Преспа, па за сите четири општини ќе има по две возила или вкупно осум. Воедно ќе бидат поставени и четири станици, по една во секоја од општините за полнење на батериите на возилата со примена на соларна енергија.

Во проектот се вклучени и Технолошко образовниот институт од Грција и Универизтетот Патрис од каде ќе бидат вкучени и професори.

„Ќе обезбедиме електрични возила за општините во пограничниот регион и буџетот е над еден милион евра преку програмата за прекугранична соработка и ИПА фондовите“, рече Димитрис Стимоњадис, професор од Кожани.

Целта на проектот е примена на обновливи извори на енергија и да се дизајнира и примени енергетски ефикасен регионален зелен транспорт кој ќе се користи за секојдневен транспорт на ученици, спортисти и олеснување на секојдневниот превоз на жителите во општините.