АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Градоначалникот на општина Битола Тони Коњановски, заедно со директорот на ЈП „Комуналец“ Горан Степановски и дел од вработените во општина Битола, го посетија с. Егри, каде е предвидена реконструкција на коловозот на 10 краци, односно улици во должина од 1369 метри. Во тек е јавна набавка за избор на изведувач, по што се очекува и асфалтирање на улиците, а вредноста на овој проект е 6.529.459 денари.
Локалното население ја посочи важноста од реконструкцијата на улиците, а со градоначалникот Коњановски разговараа и за останатите тековни проекти и потреби на жителите од ова село.
Во руралните средини кои гравитираат кон поранешна општина Бистрица, во наредниот период ќе се реконструираат улици и во с. Лажец, во должина од 208 метри со вредност од 1.243.193 ден, како и во с. Оптичари, каде ќе се реконструираат 7 краци во должина од 934 метри, во вредност од 5.306.954 денари.
