АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
НП Пелистер го спроведува проектот за ризици од шумски пожари и поплави како и потребата да се подигне свеста кај граѓаните за превенција. Вчера во Инфо центарот се одржа работилница на која присуствуваат претставници од НП Пелистер со директорот Макиќ Шемшедини, со претставници од Грција од INTERREG ИПА Програмата за прекугранична соработка „Грција - Република Северна Македонија 2014-2020“. Проектот подразбира имплементирање на современи алатки за навремена прогноза и мониторинг на ризици од шумски пожари и поплави и иновативни техники за заштита и подготвеност на граѓаните-ПРЕВЕНТ.
Метеоролошките станици ќе мерат температура, влажност, брзина и насока на ветерот и количина на врнежи. Се поставуваат на Големо Езеро, Инфоцентарот во НП Пелистер, ски лифтот кај Нижеполе и на реката Драгор во близина на Црн мост, вели Малиќ Шемшедини, директор на НП Пелистер Битола.
„Проектот подразбира имплементирање на современи алатки за навремена прогноза и мониторинг на ризици од шумски пожари и поплави и иновативни техники за заштита и подготвеност на граѓаните. Во рамките на проектот вчера и денес се поставуваат пет метеоролошки станици на неколку локации во Битола, Пелистер и Охрид“, потврдува Малиќ Шемшедини, директор на НП Пелистер Битола.
-Главната цел на проектот е да се подобри оперативната ефикасност и административниот капацитет на релевантните служби за управување со природни катастрофи. Воедно, целта на проектот е да овозможи едукација, свесност и сензибилизирање на локалното население, така што во соработка со надлежните органи да има координирана акција за справување со природните и технолошките катастрофи и ризици, велат од НП Пелистер.
Исто така проектот ги зема предвид интегрираните методи со користење на иновативни ИКТ алатки и модели и има за цел да развие активности на четири нивоа на управување со природни катастрофи:
1. Ниво на планирање: Развој на модели за прогнозирање со брз одговор (Информативен систем за следење на откривање пожар и рано предупредување, модел на загадување на површинските води и кревката вегетација, временски модел со висока резолуција, хидролошки модел)
2. Степен на превенција: Организирање едукативни и тренинг семинари (платформа за е-учење) за студентите, граѓаните и вработените во органите за цивилна заштита и вработените во општината со цел нивната свест и подготвеност против природни катастрофи и технолошки ризици
3. Ниво на одговор: Развој на Рамки за управување со вонредни состојби кои ги нагласуваат врските помеѓу климатските промени и управувањето со вонредни состојби
4. Ниво на рехабилитација: Надградба на Локален информативен центар и формирање на Лабораторија за образовни и истражувачки цели во областа на управувањето со катастрофи и ризици во Северна Македонија, со цел набљудување, соочување и ублажување на влијанијата од природни катастрофи.
Состанок за напредокот со партнерите од INTERREG ИПА Програмата за прекугранична соработка „Грција - Република Северна Македонија 2014-2020“, проект Современи алатки за ризици од шумски пожари и поплави навремена прогноза и следење и иновативни техники за заштитна свест и подготвеност на граѓаните-ПРЕВЕНТ.
