Во Меморијалниот музеј во село Смилево,  во предвечерието на Илинден,  денеска  беше отворена изложбата „120 години Илинденско востание во Битолскиот револуционерен округ“, чиј автори се историчарите Евгениј Литовски и Филип Талевски од  НУ Завод и музеј Битола.  Изложбата е поставена на  10 врамени паноа  со  фотографии од значајни личности и настани од Илинденското востание во Битолскиот револуционерен округ. 

-Изложбата е организирана по повод големиот јубилеј  120 години од Илинденското востание.Ние му посветивме поголемо внимание на Битолскиот револуционерен округ како еден од главните чинители во Крушевската република, но исто така и во целиот Битолски региона. Станува збор за една компактна изложба, во која е прикажани луѓето и настаните кои се дел од Илинденското востание, кои исто така,   одбележуваат една епоха во создавањето на  Македонската  држава, посочија  авторите.

 Е.Мисирлиевска