„Од голем фонд на фотографии, се застапени 30 преку кои на извесен начин е претставена сета убавина на Националниот парк Пелистер. Направен е избор од сите годинишни времиња, дел со цветни површини, дел со снег , спортски активности... Разновидноста на Пелиетср е позната насекаде и привлечна за посетители од различни држави. Има 88 ендемски растенија кои ги има ретко на други планини, камени реки и услови за безбедно искачување на планината“, рече Ставрев.

Зоран Пројчевски, шумарски инженер во НП „Пелистер“ потсети дека Паркот беше прогласен во далечната 1948 година и е најстар национален парк во Македонија. Се протега на површина од 17 150 хектари, на надморска височина од 891 меатар до 2601 метар. Клучни вредности поради кои е прогласен за нациоанлен парк се глацијалните езера, камените реки и моликата. Моликата на Пелистер гради најкомпаткна шума.

Од животните се јавуваат мечка, волк, дивокоза, срната и рис. Рисот за последен пат е фотографиран преку фото замки во 2013 година, но во последно време планинари и ренџери забележуваат траги кои би можеле да бидат до рис.

„Годинава го имаме ридот во програма за мониторинг со надеж дека повторно ќе го фотографираме и ќе докажеме дека го има на Пелистер“, рече Пројчевски.