Во обид да го заштити својот народ, денес загина, мојот драг колега и соработник, Офир Либштајн, градоначалникот на израелската општина, Шаар Ханегев. Изразувам длабоко сочувство до неговото семејство, жителите на општината со која раководеше, како и до македонските Евреи и малите еврејски заедници во Европа, за кои во своето делување покажуваше голема поддршка.

Неговиот спомен ќе остане зачуван и во нашиот град и со последната конференција која ја организираше на 80 годишнината од депортацијата на македонските Евреи, во март годинава, насловена „од Естер до Естер, за храброста на жените“, каде разговаравме и за идни заеднички активности, посветени на битолските Евреи.

Со своето лидерство, се залагаше и веруваше во мирниот начин на постигнување соживот и меѓусебна соработка меѓу народите.

За жал, загубивме голем човек. Ова е голема загуба за Израел и македонските Евреи.

Нека му е вeчна славата!, напиша Коњановски.