Тенискиот клуб Чакулески со поддршка од општина Битола по подолг временски период организираат градско првенство во категориите црвен и портокалов тенис.

Турнирот ќе се одржи на новите три тениски терени кај Градскиот стадион на 21.10.2023 година, со почеток во 10.00 часот.

Организаторот на настанот се надева дека на овој начин повторно ќе се даде акцент на тенисот како спорт, со учество на што поголем број млади тенисери и тенисерки, кои се поканети да земат учество на градското првенство.

Покрај натпреварувачкиот дел, настанот ќе биде збогатен и со други забавни активности, а општина Битола и натаму ќе ги поддржува спортските активности, кои што го јакнат спортскиот дух кај младите битолчани.