Вчера на Интернет беше објавено аматерско видео во кое Стојановски во училиште им се заканува на вработени со зборовите: ,,Заборавивте дека во МВР работев, заборавивте дека ви ги слушам телефонските јавувања, одење по куќи“.

Во соопштението на МВР од вчера стои дека по насока на Јавното обвинителство од Битола, градоначалникот бил повикан во Полициската станица во Демир Хисар на информативен разговор поради објавениот видеоматеријал. Во разговорот тој кажал дека снимката е од основното училиште ,,Гоце Делчев” во Демир Хисар од јануари годинава, за време на протест одржан поради промена на две учителки.

Молк и од основното училиште ,,Гоце Делчев” во Демир Хисар, каде се случила кавгата . И директорката Наташа Коруновска и нејзината заменичка беа отсутни.

Видеоматеријалот беше објавен вчера непосредно пред почетокот на кампањата за референдумот за името, закажан за 30 септември. Но, на неа се гледа дека снимката е стара зашто сите се облечени по палта и долги ракави.

Од СВР Битола велат дека истрагата продолжува и се сослушуваат повеќе лица.