Гимназијалците од четврта година во Гимназијата „Јосип Броз Тито“ Битола и нивните професори хуманиот чин на дарување крв го покажаа со сопствен пример.

 

„Медицинската етика е дел од биоетиката. Во нашата Гимназија ги негуваме биоетичките вредности за дарување крв, невршење насилство врз други лица, помагање на социјално загрозени поединци и групи. Овие биоетички премиси ги градиме со децении преку наставните програми во сите предмети на гимназиското образование. 

Бидете секогаш дел од хуманитарните акции за дарување крв, зашто тие се еден од начините во надминувањето на здравствената неписменост и се промоција на сите хумани вредности.“, објавија од Гимназијата.