АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Гимназијалката од Битола, Искра Нечаковска ќе учествува на Светската олимпијада по физика во Париз, Франција што ќе се одржи во јули годинава. Убавата вест ја сподели Гимназијата „Јосип Броз Тито", Битола каде Нечаковска е ученичка во трета година. Претходно Искра ќе учествува на Европската олимпијада во Софија. Ментор на ученичката Нечаковска е професорката по физика од Гимназијата во Битола, Драга Мишиќ.
„Ученичката Искра Нечаковска на селекциониот натпревар по физика беше ПРВА и во тој случај учествува на Светската олимпијада по физика која ќе се одржува од 17-25 јули во Париз - Франција.
Исто така од 13-17 јуни учествува на Европската олимпијада во Софија.
И посакувам успех и на двете олимпијади.
Браво Искра и ментор Драга Мишиќ", објавија од гимназијата во Битола.
Инаку, Искра и пред две години учествуваше на Меѓународната јуниорска олимпијада по природни науки што се одржа во Богота, Колумбија и се врати дома со бронзен медал.
Лани, Искра освои втора награда, сребрен медал и награда за целосно решена задача, на 6. Балканска олимпијада по физика, Никшиќ, Црна Гора.
(А.Б)
