АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
На Европската олимпијада по физика што се одржа во Софија, Бугарија, македонската репрезентација освои бронзен медал. Медалот го освои Дамјан Стојанов, ученик во четврта година во ПСУ „Јахја Кемал“ во Скопје.
Пофалници освоија Искра Нечаковска, ученичка во трета година во СОУ „Јосип Броз-Тито“, Битола и Андреј Стојановски, ученик во четврта година во „Јахја Кемал“, Скопје.
Битолчанката Искра Нечаковска сега заминува на Светската олимпијада по физика која ќе се одржува од 17-25 јули во Париз - Франција.
Друштвото на физичарите на Македонија објави - Бронзен медал и две пофалници за нашите олимпијци на 9. Европска олимпијада по физика!
Бронзен медал
- Дамјан Стојанов – IV година, ПСУ „Јахја Кемал“, Скопје
Пофалници
- Искра Нечаковска – III година, СОУ „Јосип Броз-Тито“, Битола
- Андреј Стојановски – IV година, ПСУ „Јахја Кемал“, Скопје
Членови на тимот беа и:
- Матеа Митревска – IV година, ПСУ „Јахја Кемал“, Скопје
- Михаил Шапчески – III година, ПСУ „Јахја Кемал“, Скопје
Нашите олимпијци постигнаа голем успех натпреварувајќи се со повеќе од 150 натпреварувачи од над 40 земји од Европа и светот.
Голема благодарност до водачите на тимот:
- м-р Христијан Кочанковски, претседател на Комисијата за натпревари при ДФРМ
- Јан Стојановски, студент на Институтот за физика и поранешен олимпиец
Инаку, Искра и пред две години учествуваше на Меѓународната јуниорска олимпијада по природни науки што се одржа во Богота, Колумбија и се врати дома со бронзен медал.
Лани, Искра освои втора награда, сребрен медал и награда за целосно решена задача, на 6. Балканска олимпијада по физика, Никшиќ, Црна Гора.
