Бокешкиот маратон е една од најатрактивните и најпредизвикувачки тркачки манифестации во регионот, која се одржува во магичниот амбиент на Бока Которска, Црна Гора. Патеката што се протега покрај морето и низ живописни приморски населби, заедно со одличната организација и поддршката од публиката, нуди уникатно и незаборавно тркачко искуство. 

 

На ова издание на Бокешкиот маратон, Битолски Бавни Тркачи настапија со вкупно 10 тркачи, од кои 5 на маратонската и 5 на полумаратонската дистанца, достојно ја претставувајќи Битола и Македонија на меѓународна сцена. 

 

Во маратонската трка, клубот оствари одлични индивидуални резултати:

 

Марко Вељановски – 3:04:40, 27. место (12-ти маратон)

 

Методиј Богоевски – 3:06:38, 28. место (4-ти маратон)

 

Александар Стојковски – 3:14:11, 42. место (2-ри маратон)

 

Томе Горјанов – 3:16:11, 47. место (4-ти маратон)

 

Наташа Бошковска – 4:05:28, 36. место (2-ри маратон)

 

 

На полумаратонската дистанца настапија Блашко, Александар, Ивана, Биљана и Марија, кои успешно ја завршија трката и со својот настап придонесоа за целокупниот тимски успех. 

 

Настапот на Бокешкиот маратон е дел од поширокиот континуитет на клубот, кој во изминатиот период има учествувано на повеќе од 10 трки низ Македонија и надвор од неа, активно градејќи тркачка заедница и спортска култура. Битолски Бавни Тркачи се дел од Македонската Тркачка Лига, каде редовно учествуваат и го промовираат рекреативното и натпреварувачкото трчање. 

 

Со овој настап, клубот ја заокружува уште една успешна тркачка година, а наредната година продолжува со нови предизвици, нови трки и уште поголема мотивација. Битолските Бавни Тркачи остануваат посветени на трчањето како начин на живот, инспирација и заедништво.