АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Битолскиот социјалдемократ Драган Крајовски вечерва е избран за нов член на Извршниот одбор на СДСМ. Крајовски е единствен битолчанец во реформираниот тим на Венко Филипче, откако од местото потпретседател беше разрешен Методија Илиевски. Драган Крајовски во март 2022 година беше назначен за лидер на ОО на СДСМ Битола и дојде на местото на дотогашниот претседател Златко Ќурчиевски. Крајовски беше разрешен во октомври 2024 година, кога за претседател на ОО на СДСМ беше избран актуелниот Методија Куновски. Крајовски е правник по професија, адвокат, а за време на СДСМ беше директор на Затворот „Црн мост“ во Битола. Крајовски во својата партиска кариера беше и лидер на младината на СДСМ во Битола и поранешен член на Централниот одбор на СДСМ. Крајовски важеше за близок до поранешниот директор на АД ЕСМ, бегалецот Васко Ковачевски. 
Крајовски иако во последниот период не беше забележителен на политичката сцена во Битола, сепак се појави на митингот на СДСМ за локалните избори кога во Битола дојде и лидерот Венко Филипче. (А. Б)
