Моторџиите од Мото клубот  Конзули Битола денеска го однесоа Дедо Мраз да им подели новогодишни пакетчиња на децата од Ресурсниот центар „Кочо Рацин“ во Битола

-Денес ја имавме таа чест и големо задоволство, заедно со Дедо Мраз, да ги посетиме прекрасните дечиња од ОУРЦ „Кочо Рацин“ во Битола и да им поделиме новогодишни пакетчиња. Овој настан беше исполнет со искрени насмевки, детска радост и топлина, кои нè потсетија на вистинската смисла на празниците – споделување, хуманост и грижа за најмалите.

Нивната среќа и возбуда се најголемата награда за нашиот труд и мотивација и понатаму да продолжиме со вакви хуманитарни активности. Им благодариме на вработените во училиштето за топлиот пречек и посветеноста што секојдневно ја вложуваат во грижата и образованието на овие деца“, изјавија од од МК Конзули Битола.