АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Претседателот на Советот на Општина Битола Бојан Бојкоски, објави дека за работата на седниците на Советот се воведува електронско гласање. Бојкоски вели дека мора да се потврди физичкото присуство на лицето кое е задолжено да изврши верификација.
- Денес започнавме со нова, модерна практика во Советот на општина Битола!
Воведовме пилот-проект за електронско гласање, побрзо, поефикасно и потранспарентно од кога било досега.
На денешната Комисија за јавни дејности, членовите имаа можност практично да го тестираат системот, а во периодот што следи истиот ќе биде применет и на останатите комисии.
Системот за електронско гласање е целосно изработен од вработените во ИТ одделението на општина Битола, без ангажман на надворешни фирми и со 0 денари дополнителен трошок, односно нема никакви финансиски импликации кон буџетот на општина Битола.
Ова е уште еден чекор кон модерна, транспарентна и одговорна локална самоуправа, во интерес на граѓаните на Битола, соопшти Бојкоски.
