АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Прифатилиштето Хачико Битола со ДЕМАНТ до ЈАВНОСТА. Демантот ви го пренесуваме во целост.
Во врска со објавата која се шири на социјалните мрежи, а се однесува на наводно труење на кучиња и инволвираност на прифатилиштето „Хачико“, најодговорно ја информираме јавноста дека:
Прифатилиштето „Хачико“ НЕ е вклучено, ниту има било каква поврзаност со труење на кучиња.
Работиме исклучиво согласно законските прописи и стандардите за хумано постапување и благосостојба на бездомните животни.
Секое наше постапување е транспарентно и во интерес на заштита и грижа за кучињата.
Апелираме да не се шират непроверени информации и дезинформации кои нанесуваат штета и создаваат непотребна вознемиреност во јавноста.
⚖️ Воедно, ја информираме јавноста дека против лицата кои шират невистини, клевети и неосновани обвинувања кон прифатилиштето „Хачико“ ќе бидат преземени соодветни законски мерки.
Доколку некој располага со докази за незаконско постапување, ги охрабруваме истите да ги пријави до надлежните институции, со цел вистината да се утврди по службен пат.
Нашата мисија останува иста — заштита, грижа и хуман третман на секое бездомно куче.
Со почит,
Тимот на прифатилиштето „Хачико“
