Денес успешно ја завршивме нашата еко акција. Дадовме една нова енергија, за младите. 

Заедно со средното земјоделско училиште „Кузман Шапкарев“, создадовме зелена приказна. Оваа иницијатива ги обедини младите за заедничка цел – почиста и поубава средина.

Оставивме трага во училишниот простор во ООУ „Елпида Караманди“ и дворот беше темелно исчистен и уреден. Новозасадените зеленила внесоа свежина, и во просторот и во значењето на самата акција. Пред сѐ, поставивме видлив потсетник колку е важна активната грижа за природата. Тоа го направивме заедно, и оттука, поентиравме дека со ентузијазамот на младите, може многу да промениме.

Ваквата активност го истакнува и значењето на хортикултурата – уметност што ја оживува природата и ѝ дава естетска форма која директно се пренесува на секојдневието. Со избрани растенија, младите направија зелена композиција. Тука, посебно е значајна теренско-практичната работа, каде што знаењето од средношколците се пренесува кон почвата. 

Хортикултурата и умешноста на тие што ја пренесуваат во видлива форма, се приказ за неопходноста на овие категории во нашето општество.

Во акцијата активно учествуваа и ученици од ООУ „Елпида Караманди“, кои со својата енергија, покажаа дека малите чекори имаат големо значење.

Оставаме ова да биде инспирација за идни еко активности, а свесноста за грижата на природата да расте со новите растенија.