Токму во оваа насока, беше одигран и театарскиот перформанс на Драмското студио АРТ и Медиа со наслов ,,Збунета генерација”, по текст на Елена Наумовска и Весна Божиловиќ, кој претставува адаптација на детски роман од српската писателка Јасминка Петровиќ.

Пораката за човечката големина и силата да се остане човек, беше пренесена низ рециталот „Ако“, во изведба на Теодора Јовчевска. Силата на зборовите предизвика силен аплауз кај присутните.

,,Ако можеш да останеш присебен кога сите околу тебе ја губат главата, ако можеш да веруваш во себе, ако можеш да чекаш и да не ти здосади чекањето тогаш ќе излезеш од збунетоста и ,убавата мисла и збор ќе ти станат водилка кон иднината. Ќе ги допреш височините и светлината, со убавиот збор ќе ја допреш сончевината“, извадок од рециталот во изведба на Теодора Јовчевска.

Програмата по повод денот на мајчиниот јазик беше затворена со зборовите на Крсте Петков Мисирков: „Милоста кон народниот јазик јет наш долг и наше прао. Ние сме должни да милуаме нашиот јазик зашто тој јет наш, исто така, како што ни јет наша татковината ни“.