АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Проектот ,,Што е НАТО" е во организација на Канцеларијата на НАТО во Скопје и Гаус институтот, а се одржа во просториите на Факултетот за информатички и комуникациски технологии. Целата е учениците да научат преку игра што повеќе информации за НАТО.
Полковникот Зоран Јанковиќ, шеф на канцеларијата на НАТО во Скопје, беше пријатно изненаден од големиот интерес на учениците. Од 49 проекти беа избрани 25 финалисти, а од нив најдобрите. Само во Битола беа присутни над 100 ученици и наставници да ги претстават проектите.
,,Годинава славиме 70 годишнина од НАТО Алијансата и преку овој проект ги учиме децата за придобивките од НАТО, за безбедниста, стабилноста и иднината на вашата земја", рече Јанковиќ.
Проректорот Игор Неделковски рече дека во игрите е направен баланс меѓу социјалните и компјутерските игри.
,,Младите учеа за НАТО и нивните сознанија ги преточија во едукативни игри, а најдобритеќе се дистрибуираат во училиштата како дидактички алатки", рече Неделковски.
Ментор на настанот беше наставничката Весела Богдановиќ позната надалеку преку својата креативна педагошка работа. 
