АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
-Чувствувам обврска да одговорам на лажните вести и клеветите кои се шират низ порталите. Никој од вработените во нашето училиште не беше на скијање во Италија или на ризични места. Некој сака непотребно да шири паника и да наштети на угледот на училиштето, реагираше в.д. директорката на ОСМУ „Д-р Јован Калаузи“ од Битола, Наташа Илиева.
Медицинското училиште на својата ФБ страница објави и апел до учениците и колегите, совесно да се однесуваат за време на принудниот одмор. Апелот го обајвуваме интегрално
Драги наши ученици, идни ЗДРАВСТВЕНИ работници!
Да нема недоразбирање, добивме принуден одмор и ова е прилика да ви се обратиме да го искористите НАЈСОВЕСНО што можете. Под најсовесно би сакале да потенцираме максимални ДОМАШНИ услови, а НЕ кафичи и места кои би ја направиле ситуацијата со вирусот посериозна од што е, а и самите веќе гледате колку е. Да покажете дека сте зрели да се справите со ситуацијата, да превенирате онака како што ТРЕБА и СИТЕ здрави да се видиме за две недели.
Со почит,
Тимот на ОСМУ 'Д-р Јован Калаузи'
