Авто мото сојузот на Македонија информира дека врнежи од снег има и во Тетово, Маврово, Попова Шапка, Битола, Прилеп, Охрид, Струга, Ресен, Кичево, Македонски Брод,  Железнец, Крушево и на планинските премини Буково, Ѓавато и Пресека.

Од 13,20 часот воведена е забрана за тешки моторни возила на патот Дебар-Маврово, известуваат од АМСМ.

На Попова Шапка има магла со видливост 10 – 15 м.

На одредени патни правци кои поминуват низ клисури и усеци можна е појава на поситни одрони.

ЈП Македонија пат апелира на внимателно возење и прилагодување на брзината спрема условите на патот.

Дежурните екипи на ЈП Македонија пат  се постојано на терен и ги одржуваат сите патни правци проодни.