Велосипедисти рекреативци, а и оние кои возат професионално деновиве испратија коментари до нашата редакција дека многу добар чекор е асфалтирањето на делницата од клучката кај Цапари до онаа од Ротино на стариот регионален пат Битола- Ресен.

Со ова асфалтиран е патот од Кажани кон Цапари и Ротино , од кој дел беше со стара коцка и оштетен. Патот покрај тоа што ќе го олесни сообраќајот меѓу овие села, туку станува и се попосетен од велосипедисти кои возејќи за Преспа сега имаат можност да го избегнат метежот од возила на регионалниот пат и да возат по стариот каде нема многу сообраќај и се побезбедни во возењето.

Овој дел од патот го асфалтира Општина Битола, а дел од велосипедистите се надеваат дека ќе се доасфалтира и делот од Кажани до Ѓавато и така ќе можат да возат од Битола до таа локација без да изгегуваат на главниот пат..