АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Екипа од ЈП "Комунална Хигиена" од Новаци изврши хортикултурно уредување на дворниот простор во детската градинка „Бамби“ во Новаци.
Целта на оваа акција во која свој придонес дадоа и дечињата од поголемата група е поголема естетска вредност, обезбедување на поголема звучна изолација во иднина како и безбеден дворен простор.
Садниците се обезбедени од општина Новаци, а денешната активност на хортикултурно и партерно уредување на дворот на градинката со бехатон плочки е само дел од низата активности од страна на градоначалникот Љубе Кузманоски во насока на подобрување на условите во образовните институции.
Од управата на детската градинка "Бамби" изразија благодарност до градоначалникот на општина Новаци и комуналното претпријатие.
