На денешната седница на Извршниот одбот со која раководеше прeтседателката Даница Петличкова беа разгледани тековни прашања од работата на Здружението на пензионери од Битола. Исто така беше разгледана и информацијата за   состојбата во која се наоѓаат старските домови во сите Општини каде постојат такви објекти, а се во сопственост на Фондот за ПИОМ и на Р С. Македонија ,што неодамна беше предмет на расправа во Сојузот на здружениета на пензинери на Р С.Македонија.

Сите здуженија се договорија да се достави извештај и барање до Владата и Фондот за ПИОМ со цел оние домови кои пропаѓаат да се оспособат и вратат на Здруженијата на пензионери. Факт е дека многу стари лица имаат потреба од сместување, а не се во можност да плаќаат големи финансиски средства во приватни домови. Па, тука се отвора можност за заедничко дејствување на Сојузот на здруженијата на пензионери.на РСМ и другите здруженија.

На денешната седница исто така се расправаше за добивање простор во месните заедници на користење од страна на Општината за отворање на клубови на пензионерите. Опремувањето на клубовите со потребниот инвентар ќе биде обврска на Здружението на пензионери- Битола. За таа цел неодамна Даница Пеличкова и претседателот на Собранието на Здружението на пензионери Крсте Белевски имаа средба со градоначалникот Тони Коњановски каде се разгледувше можноста, онаму каде постојат услови, дел од тие простории на месните заедници да се доделат на користење на пензионерите.

.

Два значајни сосотаноци за работата и животот на членовите се одржаа изминатите два дена во Здружението на пензионери во Битола

Согледувајќи ја состојбата со високите температури во земјата, Здружението на пензионери од Битола, денес претпладне организира акција за доделкување вода на оние граѓани кои чекаа во редици да завршат одредени задолженија. За таа цел, претседателката ана Извршниот одбор на Здружението на пензионери од Битола, Даница Петличкова и неколку пензионерки- волонтери, на граѓаните кои чекаа во редици пред банките им доделкуваа шишиња со вода. Ваквата хуманитарна акција на здружението на пензионери ќе продолжи и натаму со цел граѓаните да не се доведат во состојба да почувствуваат тешкотии од големите горештини во нашиот град.    

Семејството, пријателите, членови на Здружението на пензионири, неговите пријатели  денеска се простија со неодамна починатиот претседател на Здружението на пензионери во Битола, Томе Димитровски. Со едноминутно молчење присутните му одадоа почит на Димитровски, а во името на пензионерите се обратија актуалната претседателка на битолското Здружение, Даница Петличкова и Станка Трајкова, претседател на Сојузот на здруженијата на пензионери во земјава.

Здружението на пензионери Битола им го честита 8 Mарт -  Меѓународниот ден  на  жената,  на сите членки-пензионерки од општините  Битола, Новаци и Могила, одавајќи  почит и признание на вековната борба на жената за економска, политичка и социјална рамноправност.