Сто ученици од материјално необезбедени семејства во Општина Битола, кои поради недостаток од дигитална опрема, во услови на пандемија од коронавирусот, не се во можност редовно да ја следат онлајн наставата, ќе добијат таблет – компјутери за непречено учење. Донацијата која беше доставена до Општина, ја обезбеди семејството Дестани од Тетово , преку компанијата „Еколог – Интернешнл“, покажувајќи ја на овој начин својата општествена одговорност и грижата за најмладите.