На 10 седница на Советот закажана за 30 март, на дневен ред како 7 точка е поставена измена на тарифниот систем за општинскиот линиски превоз на патници во Општина Битола. За оваа точка која ќе се најде пред советниците во среда, нема дополнителни материјали каква или колкава ќе биде промената на тарифникот во јавниот превоз во Битола.

Вчера пак, локалната самоуправа соопшти дека градоначалникот Тони Коњановски и претседателката на Советот Габриела Илиевска на истата седница ќе достават заедничка иницијатива со која, пензионерите од Битола, ќе добијат можност за бесплатно користење на јавниот превоз, два пати неделно, во вторник и петок.