„Во името на менаџерскиот тим на Клиничката болница раководен од директорот Зоран Лазаров сакам да ја информирам јавноста, а пред сѐ нашите пацинети околу состојбата со паркинзите и наплатата. Имено на 01.01.2015 година склучен бил договор помеѓу Клиничка болница, застапувана од тогашниот директор Василе Најдовски и 'Градски паркинзи', застапувани од управителот  Благој Крстевски. Во 2017 година договорот е обновен до 31.12.2019 година. Тука сме немоќни за негово раскинување.  Но, поради неисполнување на одредбите од догoворотт, како на пример,  'Градски паркинзи' се должни да се грижат за одржување на пристапните патеки до паркинг местата, а во интерес на пациентите Клиничката болница  поведе судски спор “, вели Конеска.

Таа додава дека во исчекување на одлуките од спорот, разговарано е со Општина Битола, а градоначалничката Наташа Петровска  вети дека ќе помогне да се санира целиот двор веднаш штом „Македонија пат“ отпочне со сезоната на асфалтирање. Според планот,  тоа ќе биде во летниот период. Со тоа дворот на болницата ќе се ослободи од досегашните дупки и крпеници, а ќе се олесни и движењето на пацинетите низ него.  

„Се надевеме дека со заедничката акција на болницата и Општината, а се во интерес на граѓаните и пацинетите, за многу брзо време  битолчани ќе го видат новиот сјај на дворот на Клиничка болница, а исто така и судскиот спор ќе се реши во интерес на доброто на граѓаните “, вели Конеска.