Од Клиничката болница во Битола, изјавиле дека пациентките биле прегледани од психијатар, кој утврдил дека комуницираат и немаат никаква агресија, а исто така биле прегледани од интернист. Имаат отоци по целото тело, но не се знае што е причината.

Не сакале да бидат хоспитализирани, по што биле вратени во нивниот стан на улицата „ Димче Лахчански“, објави Телевизија Телма.

Потврдиле дека 7 години живеат без струја и 1 година без вода, а рекле дека не се капат затоа што се плашеле дека ќе им испаднат косите.

Инаку, по налог издаден од Основниот суд во Битола, а на барање на обвинителството, денеска околу 13 часот, полицијата и претставници на Центарот за социјални работи, влегле во домот на семејството Колевски, каде мајката со години ги чува во изолација двете ќерки, на возраст од 34 и 35 години, објави Телевизија Телма. Околу 16 часот,  со возило на итната помош биле однесени на болница.

Соседите раскажале дека мајката се спротивставила и не дозволувала девојките да бидат изнесени од станот.

-Дојде полиција, дојдоа од Центарот за социјални работи, инспектори,  ја скршија вратата и насила влегоа во станот да видат што се случува. Мајката не давашае да ги земат девојките. Викнаа брза помош, ги прегледаа лекарите, видоа дека се болни , со отоци. Девојките се катастрофа, пожолтени, не им се познваше лицето,Ги кренаа  на колички, не можеа да одат и ги однесоа на болница, раскажаа соседите за Телма

Пред еден месец, по неколку обиди надлежните да влезат во нивниот дом, се откажаа со образложение дека контактирлале  со нив преку затворена врата и сите три одбиле помош

Но, најавија дека ќе бараат начин како да му помогната на семејството кое со години живее без елемнтарни услови, без вода и струја,  а соседите секојднево ги слушаа лелеците на двете сестри кои долго време не излегле од својот дом.

Со помош на социјланите служби,  два наврати во 2014 и 2016 година,  биле пренесени во битолската болница, во тешка здравствена состојба, но по излеувањето од таму, продолжиле со истиот начин на живот.