Да се стави повторно во функција шинтерската служба при Јавното претпријатие Комуналец во Битола како преодно решение за справување со бездомните куќиња се до ставањето во функција на прифатилиштето за нив, побара Жаклина Наумовска од СДСМ на денешната седница на Совет. Габриела Илиевска од Поинаку побара да се зголемат средства за заловување кучиња од 400 000 денари на еден милион. Ова со цел да се надмине аларматната состојба со уличните кучиња во Битола кои во неделата нападнаа и искасаа две малолетни деца, а со каснатици има и други повозрасни граѓани.

Бојан Бојкоски, координатор на советниците од ВМРО-ДПМНЕ, рече дека проблемот бара заедничка коордонирана акција не само на локалната самоуправа туку и на Агенцијата за храна и ветеринарство и полиција. Општината пристапи кон изградба на прифатилиште на бездомни животни. Ќе биде изградено во следните 10 дена и во процедура се сите оние правилници кои треба да бидат донесени за да почне со работа. И се надеваме дека прифатилиште во надворешниот дел ќе биде со доволен капацитет за да се реши проблемот со сите бездомни животни во градот“, рече Бојкоски.