Најсилно го почувствуваа битолчани кои живеат на повисоките катови во зградите. Некои од нив ги напуштија домовите. Оние кои го искористија убавото време и излегоа на прошетка, велат,  воопшто не се вознемирија затоа што не го почувствуваа земјотресот.

Земјотресот во Битола и околината беше почувствуван со интенитет од 4 степени според европската макросеизмичка сакла, додека жителите од Охрид и Ресен со интензитет од 3 степени. Засега нема информации за пријавени штети. Следеа два помали потреси, во 12 часот и 24 минути, од 2,8 степени, а во 14 часот и 37 минути од 3,2 степени, исто така со епицентар во соседна Грција.