Во неделата, во рамки на одбележувањето на Денот на Европа, Јуроп Хаус мрежата низ седум градови низ државата ја организираше хуманитарната трка „Сите за Кочани, трчаме заедно“, со која граѓаните го искажаа своето единство и поддршка преку активност што спојува.

Во Битола, над 400 учесници се приклучија на иницијативата, исполнувајќи го Градскиот парк со енергија, упорност и позитивен дух. Иако временските услови беа предизвик, тоа не ги спречи учесниците заедно да ја поминат патеката и да испратат силна порака дека хуманоста не познава пречки.

Настанот претставуваше вистинска слика на европските вредности како заедништво, еднаквост и грижа за другиот. На овој ден, не победија најбрзите, туку оние што трчаа со срце.