Таа заедно со 12 некогашни соученички вчера вечер прославија педесет години од матурирањето на генерацијата 1968/1969 година од Средното медицинско училиште во Битола. На прославата присуствуваа некогашни ученички од двата класа за медицински сестри. На јубилејот им се приклучи и некогашната професорка по фармакологија, а потоа и директорка на Медицинското училиште, Павлина Василева Фотева.

„Чувството беше прекрасно. Имаше некогашни соученички со кои се видовме првпат по 50 години, а во минатото сме биле што би се рекло секој ден заедно, сме другарувале, сме делеле и лошо и добро. Евоциравме спомени, некои предизвикаа насмевки на нашето лице, а пак некои нѐ трогнаа зашто имаме две другарски кои веќе не се меѓу нас. Голема чест ни направи тоа што ни се придружи и нашата професорка. Дојдоа некогашни ученици од Охрид, Струга, оние што се подалеку во Шведска и Швајцарија не можеа да допатуваат на овој термин, меѓутоа ги споменавме разговарајќи за настаните кои ни оставија драги спомени од средношколскиот живот“, рече за Апла.мк битолчанката Лепа Гегараковска.

Ж.З.