За време на посетата на Библиотеката, која како што е познато е основана во 1882 година, членовите на МНД-Битола од својот домаќин Стево Степановски беа информирани за книжниот фонд на библиотеката кој располага со ретки книги и над 20.000 наслови.

„Со посетата на оваа културна резиденција, подарените авторски, но и книги од издавачката дејност на МНД-Битола, ние почнавме да ја реализираме богатата програма на МНД-Битола посветена на големиот јубилеј – 60 години од денот на основањето. МНД-Битола во април годинава го одбележа 59-от роденден, а во наредните 10 месеци, ќе организираме бројни академски настани, културно-уметнички активности, изложби...кои ќе бидат заокружени точно на 25 април 2020 година“, истакна универзитетскиот професор д-р Марјан Танушевски, претседател на МНД-Битола..