АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Од Јавното претпријатие „Стрежево“ изразија големо жалење за загубата на млад човечки живот.
Директорот Менде Граматковски вели дека базенот е даден под концесија на приватната компанија „Мега Груп“ уште пред две години од претходната власт. 
„Одговорноста не е наша зашто базенот е издаден под концесија и немаме обврска ние да поставуваме обезбедување. Се прашуваме зошто кога е даден базенот на приватен концесионер и таму се изведуваат активности за престојната сезона не поставиле обезбедување? Нашиот диспејџер има обврска да ја следи водата во каналот, а не и да го обезбедува базенот. По ова на детална анализа ќе подлежи договорот со концесионерот“ рече директорот Менде Граматковски.
Починатото девеојче е на возраст околу 13 години и било донесено е на Ургентното одделение во безживотна состојба без никакви знаци на живот, соопштија од Битолската болница.
„И покрај упорноста на екипита на Ургентното одделение и извршената реанимацијата се беше безуспешно, за жал. Девојчето за краток период ќе биде пренесено на патологија.Случајот понатаму го превзема МВР и обвинителството“, соопшти Сузана Конеска, портпарол на Болницата.
