Во рамките на континуираната медицинска едукација Здружението на лекари од Битола во соработка со менаџерскиот тим на Клиничка Болница- Битола организира стручен состанок на тема "КАРЦИНОМ НА ГРАДА -СОВРЕМЕН ХИРУРШКИ ПРИСТАП ".

-Поканет беше предавач проф.др.Ѓултекин Озан Кучук од Медицинскиот факултет Истанбул -Република Турција. Состанокот беше акредитиран од Лекарската комора на Северна Македонија. Покрај новините во хируршкиот третман на карциномите на дојка се истакна комплексноста на болеста,поврзаноста на начинот на пристап кон лекувањето со социо-економската состојба на пациентот ,психофизичката состојба како и важноста на биолошкото однесување на туморските клетки воопшто, изјави Сузана Конеска портпарол на Клиничката болница Битола.

Предавањето  го следеа лекари специјалисти при Клиничка болница- Битола, хирурзи,гинеколози и анестезиолози, лекари од општа пракса, млади лекари кои треба да заминат на специјализација. Соработката ќе продолжи и понатаму, вели Конеска.