Секоја пролет жителите на битолското село Трново го чекаат враќањето од Јужните краишта на вљубената двојка штркови која го свила своето гнездо овде во Потпелистерието. Секојдневно имаат можност да бидат сведоци на оваа љубовна приказна, која ја споделуваме со нашите читатели благодарение на фотографиите на нашиот соработник Јован Наумовски.

Љубовната игра на парот штркови незабиколно влезе во објективот на Наумовски, кој ја долови љубовта, приврзаност, преданост, но и меѓусебната грижа каква ретко се среќава.

Жителите од Трново ќе имаат убава можност да се дружат со вљубениот пар до август, кога штрковите повторно се враќаат на Југ.

Штркот каде и да се појави предизвикува убави чувства, најверојатно поради народното предание дека тој ги носи пролетта, среќата, па и бебињата.

Штрковите се неми птици, не испуштаат гласови, а комуницираат со штракање на клунот. Тие се моногамни и се верува дека до крајот на животот остануваат верни на парнетрот

Според пописот на Македонското еколошко друштво од 2015 година, во Македонија изброени се 817 активни гнезда со 3361 штрк

(Жаба за ручек обезбеди грижливиот партнер)

Е.М.

Фотографиите се авторски!  Забрането е преземање без согласност на авторот Јован Наумовски