Во општините Битола, Ресен и Новаци на парламентраните избори што се одржаа во средата расположението на гласачкото тело беше повеќе наклонето кон Коалицијата „Можеме“ предводена од СДСМ,  а во Могила и Демир Хисар за ВМРО-ДПМНЕ и колиционите партнери, покажаа резултатите од ДИК. 

Така, во Битола Коалицијата „Можеме“ освои  1104 гласови повеќе од ВМРО-ДПМНЕ. За Коалицијата на СДСМ гласаа 19 605 гласачи (44,49проценти), а за ВМРО-ДПМНЕ 18 501 (41,99 проценти). 

Во соседната општина Новаци исто така води СДСМ со 50 гласови повеќе од продивкандидатите од ВМРО-ДПМНЕ. Таму за Коалицијата „Можеме“ гласале  992 гласачи (48,41процент), а за ВМРО-ДПМНЕ  942 (45,92 проценти).

Во Ресен разликата во гласови е 987 во полза на СДСМ. За „Можеме“ гласале 3830 гласачи (47,92 проценти) од ресенската општина, а за Колаицијата „Обнова на Македонија“  2843 (35,57 проценти).

Во Могила гласачите беа повеќе наклонети кон Коалицијата на ВМРО-ДПМНЕ и за нив гласаа 1822 гласачи или 54,19 проценти, а за СДСМ  1375 гласачи или 40,91 процент. Разликата во гласови е 447. 

И во Демир Хисар слично расположение на гласачкото тело само што таму разликата е помала и изнесува 173 гласови. Коалицијата на ВМРО-ДПМНЕ предничи пред  „Можеме“ со 2282 гласови (48,87 проценти), а за СДСМ со коалиционите партнери гласа  2109 гласачи.