Новогодишен концерт во изведба на ученици од Државното музичко училиште – Битола во класата по виолина на професорот Зоран Маневски. Имено, за да ги збогатат новогодишните и божиќни празнувања тие на јутјуб каналот постираа снимки од композиции кои заедно со професорот ги подготвија во текот на првото полугодие. Она што е интересно е тоа дека на снимките се слуша пијано придружба а не се гледа корепетиторот. Учениците, од професорот на мејл добија снимка со пијано придружба во mp3 формат од композициите кои ги свират. Со голема помош од страна на родителите се дојде до крајниот продукт и снимки кои професорот ги состави во една целина. Интересен и инвативен начин за работа во образованието во овие услови на пандемија.