Битолската полиција уапси малолетник кој без возачка дозвола возел „бмв“ низ Битола. 

На 22.04.2026 во 18:10 часот на ул.„Партизанска” во Битола, полициски службеници од СВР Битола лишија од слобода 17- годишен малолетник од Битола. При контрола на патниот сообраќај, полициските службеници запреле возило „бмв” со битолски регистарски ознаки, кое го управувал малолетникот и по преземени мерки било констатирано дека нема возачка дозвола. Тој бил задржан во полициска станица и по целосно документирање на случајот, против него ќе биде поднесена соодветна пријава по член 297-а од Кривичниот законик- „безобѕирно управување со моторно возило”.