Тешко се менуваат лошите навики на некои наши сограѓани. Само два дена откако се поставени новите поздземни контејнери на улицата „Васко Карангелевски“,  ѓубрето, наместо во нив  повторно е расфрлено наоколу, а вреќи  се оставени до отоврите.

На некои овдешни жители не им се допаднаа новите современи подземни контејнери, па ги довлечкале пред зградите старите, од кои се шири непријатна миризба и постојано се со отворени капаци

ЈП Комуналец, на 5 локации на улицата „Васко Карангелевки“ постави 12 подземни контејнери. Советот на Општина Битола веќе даде одобрение за градба на ЈП „Комуналец“ за поставување вакви подземни контејнери во центарлното градско подрачје, односно на просторот кај Безистенот, кај Јавор, кај Стаклената зграда, Театарот.

Овој дел од градот го менува ликот не само со подземните контејнери, туку има зголемени се зелените површини и хортикултурно се уредени, поставени се нови клупи, потоа целосно е променето уличното осветлување со ЛЕД светилки, а преземени се активности за смирување на сообраќајот.